Cangas, 1 de decembro de 2022

Último partido en Ou Gatañal deste 2022 ante un dos equipos máis en forma desta Liga, o Rebi Balonmán Conca. Persoal e corpo técnico apostan por manter o ritmo de competición deste último mes para poder levar os dous puntos.

O Gatañal será unha festa, onde se espera un cheo nas bancadas e contará con actuación musical previa ao partido, así como encontro entre afeccións. 

O Balonmán Cangas apura os seus últimos adestramentos antes de despedir un gran 2022 en compañía da súa afección. Estas son as impresións de Nacho Moyano e do noso internacional uruguaio, Gaby Chaparro. 

Sobre a situación actual do equipo:

Gaby Chaparro: Último partido coa nosa xente, e apetécenos moito celebrar unha vitoria con eles. Creo que hai que fixarse na segunda parte de Granollers, foi un pouco de aire ese “simulacro de remontada” para que non se vise embazado o bo traballo que vimos facendo este último mes. 

Nacho Moyano: Pois é un partido díficil, como nos estivo ocorrendo neste tramo final de primeira volta, con rivais como Granollers, Ademar e agora Conca. Afrontámolo independentemente disto con moitas ganas, de conseguir a vitoria e deixarlle á nosa xente un bo sabor de boca co noso xogo como xa ocorreu no partido de Ademar. 

A segunda parte con Granollers, parécese ao que viñamos facendo neste mes e ten que ser a liña para seguir, con actitude gañadora para non renunciar á nosa filosofía.

O rival: Rebi Balonmán Cuenca 

Gaby Chaparro: Conca é un rival moi forte, que ten grandes xogadores e sobre todo, están moi en forma. Pero igualmente esta Liga é moi axustada e nas nosas mans está apertar, estar intensos durante todo o partido e iso é o que nos permitirá loitar ata o final. 

Nacho Moyano: É evidente que Cuenca ten a moitos xogadores nun gran estado de forma (os irmáns Pizarro, Joaquim Nazaré, Simonet e tamén o seu porteiro Ante Grbavac). Deles destacaría a nivel colectivo a súa contundencia defensiva, que nos pode poñer en problemas se non estamos acertados. 

As claves para conseguir a vitoria

Gaby Chaparro: Loitar, loitar e loitar. Non podemos perderlle a cara ao partido en ningún momento nin deixar ao azar ningún tramo dos 60 minutos, xa que coa calidade que atesouran, pódense escapar en calquera momento. 

Nacho Moyano: As tres craves serían intensidade, actitude e sobre todo concentración porque temos que facer as cousas moi ben para afrontar un partido deste nivel. E creo que un pouco como sempre, dependeremos de nós mesmos, ter eficacia a portería e minimizar perdas de balón para non conceder goles fáciles.

O Gatañal, unha semana máis de ambiente festivo 

Aproveitando os cheos que se están presenciando en Ou Gatañal, desde o Club e aproveitando o aniversario da súa patrocinador Pizzería Baratto, dispoñerá dun pre-partido con actuación musical en directo e un encontro entre afeccionados cangueses e desprazados conquenses, será a partir das 17:30h.

Imaxes de Xavier Solanas