A CRÓNICA

Bathco Bm. Torrelavega 27 – Frigoríficos Morrazo 23

Diario MARCA

O Bathco BM Torrelavega logrou, á conta do Frigoríficos Morrazo, a súa primeira vitoria na liga Sacyr Asobal, nun partido que se decidiu nos últimos cinco minutos, nos que a boa defensa dos cántabros foi capaz de manter a potería a cero.

Unha vitoria histórica que se celebrou no pavillón Vicente Trueba ao grande e que fixo xustiza ao bo traballo do BM Torrelavega, ante un equipo galego que viña enrachado, pero que só foi capaz de levar a iniciativa na recta final da primeira parte, máis polos descoidos do Torrelavega, que polo seu propio acerto.

O Bathco comezou ben anotando pronto un parcial de 3-0 co que tomou as rendas do partido, baseándose nunha boa defensa e repartindo moitos os goles nas súas xogadas de ataque, ante un conxunto galego un tanto gris.

Así, o conxunto cántabro chegou a ter unha máxima vantaxe de cinco goles (10-5) superado xa o primeiro cuarto. A partir de aí o Frigoríficos do Morrazo empezou a mostrarse máis sólido en defensa.

Pero, no últimos cinco minutos da primeira parte, o Bathco tivo os seus peores momentos, con moitos erros de vulto en ataque e mesmo fallando dous penaltis. O equipo galego aproveitouno e á contra cimentou un parcial de 2-7, co que igualou o marcador.

A segunda parte empezou con intercambios de goles, con ataques curtos de ambas as escuadras e moitos protagonismo de Asensio na liña de seis metros, de Iglesias no tiro exterior e de Gayo penetrando entre a defensa polo cadro galego e de Moreno e Gallego polo equipo cántabro.

Ningún dos dous equipos puido separarse máis dun gol do seu rival e así se entrou no últimos cinco minutos, que empezaron ben para o Bathco, con dúas recuperacións en defensa, para senllos contragolpes materializados por Cangiani para facerse cun esperanzador marcador de 25-23 a tres minutos da conclusión.

E entón foi cando o Bathco soubo manter a cabeza fría, empregándose ben en defensa para non só manter eses dous goles de vantaxe, senón para anotar outros dous cos que culminaba un parcial final de 4-0 e gañar con máis contundencia da esperada a teor do visto neste período.

FICHA TÉCNICA

27.- Bathco BM Torrelavega: Rúa; Gallego (3), Moreno (3, 1 p), Hernández (3, 1 p), Casanova (3), Colunga (2), Cangiani (6); David, Villoria, Prieto (2), Lombilla (2), Serrano (1), Spiljak, Trifkovic (1) e Isidoro (1).

23 – Frigoríficos Morrazo: Javi Diaz ( Forns); Soliño, Martín (1), Varela (1), López García (3), Iglesias (4), Fernández (3, 2 p); Simes (1 p), Quintas, Asensio (3), Aizen (1), Gayo (4), Menduiña, González (1) e Salgado (1).

Marcador cada 5 minutos: 3-2, 6-3, 9-4, 11-7, 12-8, 12-12 -descanso- 14-15, 17-18, 20-19, 20-21, 23-23 e 27-23.

Os nosos patrocinadores

Abrir chat
Inicio