Nacho Salgado chega ao noso equipo!

FARO DE VIGO

O Balonmán Cangas-Frigoríficos do Morrazo dá por pechada o seu plantel para a próxima tempada coa confirmación da súa última fichaxe: trátase do novo central Nacho Salgado, que procede do Ikasa Madrid e que a pesar de ser xuvenil de segundo ano xogou integramente a última campaña co equipo de División de Honra Prata. É un xogador que supera os 1,90 metros de estatura, cun perfil netamente ofensivo e que pode defender no posto de avanzado, tal como explica o seu adestrador, Nacho Moyano. O técnico coñece perfectamente á nova incorporación do club cangués debido a que se trata dun xogador ao que xa adestrou durante a súa etapa en Ikasa.

“Ten moito talento e tamén moita marxe de mellora, sobre todo no aspecto físico. Se traballamos nese apartado podería defender en máis posicións”, apunta Moyano. O técnico destaca a súa capacidade de traballo, intelixencia e o desborde no un contra un, o que permite xerar situacións de vantaxe. “É un xogador valente e que non rehúye o xogo dun contra un”, destaca.
Salvo sorpresa, coa súa incorporación o Cangas pecha o capítulo de fichaxes para a próxima tempada 2021/22. “Non descartamos poder fichar a algunha primeira liña máis, pero peiteamos o mercado e está difícil conseguir un xogador que se axuste ás nosas características”, recoñece Nacho Moyano. Ademais de Salgado, o Frigoríficos fichou á primeira liña arxentino Lucas Aizen, o extremo portugués Jenilson Monteiro e ao pivote Carles Asensio.

CONCENTRADO CON ESPAÑA PARA O EUROPEO SUB-19

Nacho Salgado atópase nestes momentos concentrado coa selección española sub 19, coa que disputará o Campionato de Europa sub 19, que nesta ocasión xogarase en Croacia. O conxunto está concentrado nas instalacións da Universidade Camilo José Cela, en Madrid, e acaba de voar cara a Hungría, onde hoxe ás 16.00 horas xogará contra Serbia e o sábado ás 11.00 horas contra Hungría. Esta convocatoria implicará que o mozo xogador incorporarase á disciplina do Frigoríficos máis tarde que o resto dos seus compañeiros, cara a finais do mes de agosto. España arrincará a competición continental o 12 de agosto e está encadrada no Grupo B, xunto a Suecia, Israel e Hungría. O novo xogador do Cangas ten 18 anos e durante a última tempada disputou 27 partidos na División de Honra Prata, conseguindo un total de 68 goles.

Os nosos patrocinadores

Abrir chat
Inicio