Crónica MARCA

Javier Díaz, o veterano porteiro do Frigoríficos Morrazo, foi determinante na vitoria do seu equipo en Guadalaxara, con case un 46% de efectividade baixo paus e 16 paradas de mérito. Os galegos sumaron dous puntos fronte a un rival directo, que cometeu moitas perdas de balón e foi incapaz de xestionar ata sete superioridades. Na primeira metade, as defensas superaron claramente aos ataques. Cangas compensou as súas dificultades para superar o 6-0 plantado nos seis metros polo Quabit coas primeiras intervencións de Díaz.

A diferenza no marcador non superou os dous goles neste período. Ao temperán 3-1 do Quabit sucedeu o 5-7 a favor dos cangueses, mediado o período. Os locais cometeron 17 perdas de balón en media hora e desaproveitaron tras superioridades, o cal penou Frigoríficos Morrazo coa súa vantaxe parcial ao descanso (8-9). Na continuación, Javier Díaz seguiu ao seu e Cangas alcanzou pronto a súa máxima renda (8-11). Na portería contraria, ‘Jota’ Hombrados tratou de ser un revulsivo para os seus compañeiros, pero non funcionou. Pasados os corenta minutos de partido, o iraniano Saeid volveu defender o arco alcarreño. Os galegos aceptaron un intercambio de golpes, que lles favorecía. Transcorrían os minutos e o Quabit mostrábase incapaz de dar a volta ao marcador. Entón Mariano Ortega, técnico do conxunto guadalaxareño, apostou pola frescura e velocidade dos máis novos, para tratar de reverter a situación. Con 16-17 no luminoso Nacho Moyano, adestrador de Frigoríficos Morrazo, detivo o crono para suxeitar a estampida local e reconducir aos seus pupilos.

Un gol de contraataque de Daniel Fernández, tras roubar o balón, serviu a Cangas para afrontar o último cuarto en franca vantaxe (18-20). A iso sumouse unha nova parada de Díaz, agora a un lanzamento de sete metros. Outro gol de Cerqueira poñía as cousas moi difíciles ao Quabit, con apenas minuto e medio para reaccionar. Paredes marcou dous golazos para o Quabit, pero David Iglesias e Menduiña sentenciaron para o Frigoríficos Morrazo (21-23). Vitoria crucial para os galegos, que necesitaban reaccionar #ante os triunfos dos equipos de abaixo nesta xornada.

FICHA TÉCNICA

21 – Quabit Guadalajara: Saeid (Hombrados); Paredes (6, 1p.), Arthur (3), Dariel García (1), Savini, Gastón (4) y Gallardo (1); Bodi, Romanillos, Javier Rodríguez, Román (1), Tito Díaz (2), El Korchi (3), Marmesat y Simón .

23 – Frigoríficos Morrazo : Javier Díaz (Forns); Baptista (3), Cerqueira (4), Menduiña (3, 2p.), Dani Fernández (3, 1p.), Quintas, Santi López (3); Iglesias (2), Martín, Moi, Brais (3), Soly y Ribeiro (1).

Parciales: 1-1, 3-3, 4-5, 6-7, 7-7, 8-9 (descanso). 10-12, 13-15, 14-17, 16-18, 18-19, 21-23.